काठमाडौं । उदयपुरको त्रियुगा नगरपालिका–१३ बहेर्वाचोकस्थित मदन भण्डारी लोकमार्गमा माइक्रोबस दुर्घटना हुँदा १० जना घाइते भएका छन्।
मंगलबार दिउँसो करिब १२ः४० बजे प्र.१–०२–००१ ज ४६२१ नम्बरको माइक्रोबस अनियन्त्रित भई सडकबाट करिब १५ मिटर तल खसेको प्रहरीले जनाएको छ।
TVS_Golden key
चालकसहित ११ जना सवार माइक्रोबसमा १० जना घाइते भएका हुन्। घाइते हुनेमा चालक कृष्ण केसीसहित उदयपुर, झापा, मोरङ र सुनसरीका यात्रु छन्।
घाइते सबैलाई उपचारका लागि जिल्ला अस्पताल उदयपुर पठाइएको प्रहरीले जनाएको छ।