केशब आचार्य,
काठमाडौं, २२ असोज : अन्तर्राष्ट्रिय क्रिकेट काउन्सिल (आइसिसी) ले सेप्टेम्बर महिनाको ‘आइसिसी प्लेयर अफ दि मन्थ’ को मनोनयन सार्वजनिक गरेको छ।
मनोनयनमा नेपाल, बंगलादेश र अमेरिकाका खेलाडी परेका छन् । नेपालका लागी लेगस्पिनर सन्दीप लामिछाने, बंगलादेशका लागी स्पिनर नसुम अहमद र अमेरिकाको लागी ब्याट्सम्यान जस्करण मल्होत्रा परेका छन्।
सन्दीपले ओमानमा भएको विश्वकप लिग-२ अन्तर्गतको त्रिकोणात्मक सिरिजमा ६ एकदिवसीय खेलमा १८ विकेट लिदै उत्कृष्ट बलिङ गरेका थिए।
बंगलादेशका नसुमले न्युजिल्यान्डविरुद्धको टी-२० सिरिजमा ८ विकेट लिएका थिए। उनले चौथो खेलमा ४ विकेट लिँदा १० रन मात्र खर्चिएका थिए।
अमेरिकाका मल्होत्राले पपुवा न्युगिनीविरूद्धको खेलमा एकै ओभरमा ६ छक्का हिर्काएका थिए।
उनी अन्तर्राष्ट्रिय क्रिकेटमा एकै ओभरमा ६ छक्का हिर्काउने चौथो खेलाडी बनेका थिए। खेलमा उनले नटआउट १७३ रन जोडेका थिए।
आइसिसीले यहि असोज २५ गते सोमबार ( अक्टोबर 11 ) फ्यानको भोटको आधारमा महिनाको उत्कृष्ट खेलाडीको विजेता सार्वजनिक गर्दै छ ।
मन पर्ने खेलाडीलाई भोट गर्न तलको लिंक क्लिक गर्नु होला !
https://www.icc-cricket.com/awards/player-of-the-month/mens-player-of-the-month