काठमाडौं : विश्वव्यापी प्रविधि कम्पनी साओमीले नेपालमा आफ्नो नयाँ स्मार्टफोन साओमी १७टी सार्वजनिक गरेको छ । उत्कृष्ट लाइका फाइभ एक्स क्यामेरा र आँखाको सुरक्षालाई प्राथमिकता दिएर विकसित गरिएको विस्थापन पर्दासहित उच्च क्षमताको ब्याट्री भएको यो फोन आधुनिक प्रयोगकर्ताहरूका लागि तयार गरिएको हो ।
साओमीको अत्याधुनिक प्रविधि र लाइकाको संयोजनले यसमा शक्तिशाली ट्रिपल क्यामेरा प्रणाली उपलब्ध गराएको छ भने ५० मेगापिक्सेलको मुख्य क्यामेरा रहेको छ, जसले अत्यन्त स्पष्ट र उच्च गुणस्तरका तस्बिरहरू खिच्न सक्छ । यो स्मार्टफोन लाइका फाइभ एक्स टेलिफोटो क्यामेरा, विशेष अप्टिकल डिजाइन तथा उच्चस्तरीय लेन्स संरचनामा आधारित छ ।
यसले अप्टिकल इमेज स्टेबिलाइजेसनसहित ५० मेगापिक्सेलका तस्बिरहरू खिच्न सक्छ । ३० सेन्टिमिटर दूरीबाट गरिने म्याक्रो फोटोग्राफीदेखि १० गुणासम्मको अप्टिकल स्तरको जुम र १२० गुणासम्मको एआई आधारित जुम सुविधाले नजिक तथा टाढाका दृश्यहरू सहजै कैद गर्न मद्दत गर्दछ ।
यसमा फोर के ६० फ्रेम–प्रति–सेकेन्ड सिनेमेटिक भिडियो रेकर्डिङ सुविधा पनि समावेश गरिएको छ । यसले प्राकृतिक पृष्ठभूमिधमिलोपन सिर्जना गर्दै थप जीवन्त र आकर्षक दृश्य अनुभव प्रदान गर्दछ । परम्परागत स्थिर तस्बिरभन्दा अगाडि बढ्दै यसले लाइभ मोमेन्ट सुविधा प्रस्तुत गरेको छ, जसले मुख्य क्षण मात्र नभई गति, भावना र अभिव्यक्तिलाई समेत कैद गर्दछ ।
यस फोनमा १–१.५५ इन्च आकारको ठूलो इमेज सेन्सर प्रयोग गरिएको छ । लाइका अल्ट्रा पियोर अप्टिकल डिजाइन तथा वन जी प्लस सिक्स पी हाइब्रिड लाइका समिलुक्स विशेष लेन्स संरचनाले सूक्ष्म विवरणहरूलाई अत्यन्त स्पष्ट रूपमा प्रस्तुत गर्छ । यसमा भएको प्रकाश छिर्ने ठूलो भाग (एपर्चर) का कारण यसले फराकिलो प्रकाश सन्तुलन र आकर्षक प्रभाव प्रदान गर्दछ ।
यसमा रहेको लाइभ पोर्ट्रेट सुविधाले पोर्ट्रेट मोडमा प्राकृतिक पृष्ठभूमिमा धमिलोपन थपेर विषयवस्तुलाई अझ आकर्षक बनाउँछ । साथै, अल्ट्रा एचडी फोर के लाइभ मोमेन्ट तथा विभिन्न सिनेमेटिक मोडहरूले प्रयोगकर्तालाई आफ्नो कथा अझ सिर्जनात्मक ढंगले प्रस्तुत गर्ने अवसर प्रदान गर्दछन् । साओमी १७टी मा पहिलो पटक भिजन केयर प्रविधि समावेश गरिएको छ ।
३,५०० निट्ससम्मको अधिकतम चमक क्षमता भएको १,५०० एमोलेड डिस्प्लेले वातावरणीय प्रकाश अनुसार स्वतः समायोजन गर्दै नीलो प्रकाश, फ्लिकर तथा मोजन ब्लरलाई नियन्त्रण गर्छ । यसले दिनभरि आरामदायी दृश्य अनुभव प्रदान गर्दछ र यो साओमीको फोर आईकेयर प्रमाणपत्र प्राप्त गर्ने पहिलो स्मार्टफोन पनि बनेको छ ।
यसमा ६,५०० एमएएच क्षमताको विशाल ब्याट्री रहेको छ, जुन अघिल्लो जेनेरेसनको तुलनामा १८ प्रतिशत बढी क्षमता भएको बताइएको छ । ६७ वाट फास्ट चार्जिङ प्रविधिको सहयोगले प्रयोगकर्तालाई दिनभरि पर्याप्त ऊर्जा उपलब्ध गराउँछ । यो स्मार्टफोन ४ नानोमिटर प्रविधिमा आधारित शक्तिशाली प्रोसेसर मिडियाटेक डाइमेन्सिटी ८५०० अल्ट्राद्वारा सञ्चालित छ ।
यसले प्रोसेसर, ग्राफिक्स तथा एआई सम्बन्धी क्षमतामा उल्लेखनीय सुधार ल्याउँदै मल्टिटास्किङ र आधुनिक गेमिङ अनुभवलाई अझ सहज र प्रभावकारी बनाउँछ । नेपालमा यो फोन बैजनी, नीलो र कालो गरी तीन आकर्षक रङमा उपलब्ध छ । १२ जीबी र्याम र ५१२ जीबी स्टोरेज भएको भेरिएन्टको मूल्य रु ९८,९९९ तोकिएको छ । साथै, यो फोन नेपालमा खरिद गर्ने प्रत्येक ग्राहकले रु २,४९९ मूल्य पर्ने रेडमी बड्स ६ प्ले निस्शुल्क प्राप्त गर्ने कम्पनीले जनाएको छ ।