काठमाडौं । नेपाल प्रिमियर लिग (एनपीएल) अन्तर्गत आजको खेलमा पोखरा एभेन्जर्सले विराटनगर किंग्सविरुद्ध टस जितेर पहिले ब्याटिङ गर्ने निर्णय गरेको छ।
आजको खेलमा विराटनगरले तीन र पोखराले दुई खेलाडी परिवर्तन गरेका छन्। विराटनगरले आन्द्रे रसेल, शुभम रन्जाने र नारायण जोशीको स्थानमा इसुरु उढाना, चरिथ असालंका र प्रतिश जिसीलाई मौका दिएको छ।
TVS_Golden key
त्यस्तै, पोखराले विवेक राना मगर र महेदी हसनको स्थानमा सागर ढकाल र रमेश मेन्डिसलाई टोलीमा समेटेको छ।
आजको खेलबाट विराटनगरका इसुरु उढाना र पोखराका रमेश मेन्डिसले एनपीएलमा डेब्यु गर्दैछन्।