काठमाडौं : अर्घाखाँची सिमेन्ट लिमिटेडको वार्षिक सेल्स मिट २०२६ भव्यरुपमा सम्पन्न भएको छ । सेल्स मिट २०८२ साउन ९ गते शनिबार पुल्चोकस्थित होटल हिमालयमा सम्पन्न भएको हो ।
देशभरका विभिन्न क्षेत्रबाट सहभागी भएका ३० भन्दा बढी बिक्री तथा मार्केटिङ प्रतिनिधिहरूको उपस्थितिमा सम्पन्न उक्त कार्यक्रममा कम्पनीका अध्यक्ष श्री पशुपति मुरारका, प्रबन्ध निर्देशक श्री राजेश कुमार अग्रवाल तथा निर्देशक श्री गौरव अगरवालको विशेष उपस्थिति रहेको थियो ।
कार्यक्रममा कम्पनीको आगामी व्यावसायिक रणनीति, नयाँ बिक्री नीति, बजारको वर्तमान अवस्था तथा भावी योजनाबारे विस्तृत छलफल गरिएको थियो । साथै, बिक्री तथा बजार विस्तारलाई थप प्रभावकारी बनाउने विषयमा सहभागीहरूबीच अनुभव आदानप्रदान तथा अन्तरक्रियात्मक छलफल समेत सम्पन्न भएको थियो ।
सम्मेलनका क्रममा उत्कृष्ट कार्यसम्पादन गर्ने बिक्री प्रतिनिधिहरूलाई सम्मान तथा पुरस्कार प्रदान गर्दै उनीहरूको योगदानको उच्च मूल्याङ्कन गरिएको थियो । यस अवसरमा कम्पनीका नेतृत्वले कर्मचारीहरूको समर्पण, मेहनत तथा व्यवसाय विस्तारमा पु¥याएको योगदानको प्रशंसा गर्दै आगामी दिनमा अझ उत्कृष्ट नतिजा हासिल गर्न सबैलाई प्रेरित गरएको थयो ।
अनुभव आदानप्रदान, अन्तरक्रियात्मक छलफल तथा नयाँ नीतिप्रति साझा बुझाइ विकास गर्दै सम्पन्न भएको यस सम्मेलनले कम्पनी र बिक्री टोलीबीचको समन्वयलाई अझ सुदृढ बनाउनुका साथै आगामी लक्ष्यहरू हासिल गर्न साझा प्रतिबद्धता व्यक्त गरेको कम्पनीले जनाएको छ ।
अर्घाखाँची सिमेन्टले “सही तौल, सही मूल्य, सही गुणस्तर“ को प्रतिबद्धतासहित गुणस्तरीय उत्पादन, ग्राहकप्रतिको विश्वास तथा निरन्तर सुधारलाई प्राथमिकतामा राख्दै नेपालको निर्माण क्षेत्रमा आफ्नो योगदानलाई अझ सशक्त बनाउँदै लैजाने विश्वास व्यक्त गरेको छ ।