काठमाडौँ : गीत संगीतमा होस् या अन्य क्षेत्रमा सम्पादनको भूमिका बिशेषनै रहन्छ।म्युजिक भिडियो निर्माण पछि तयार भएको दृश्यलाइ फुल बुट्टा भरेर बाहिर पठाउन बिशेष भूमिका खेल्ने कामनै सम्पादनकर्ताको रहन्छ। सोहि सम्पादनकर्ता मध्ये एक लोकप्रिय भिडियो सम्पादक हुन् मिलन बिश्वकर्मा।
झन्डै १ दशक लामो संगीत क्षेत्रमा म्युजिक भिडियो सम्पादन गरेर आम नेपालीको मन जितेका लोकप्रिय भिडियो सम्पादक मिलन बिश्वकर्मा यो बेला कलाकारको पहिलो रोजाई बन्ने गर्छन।उनले सम्पादन गरेका अधिकांश गीतहरु संगीत क्षेत्रमा करोड क्लबमा प्रवेश गर्न सफल गीतहरु पर्दछन। सोहि बीच केहि समय अगाडी मात्रै सम्पन्न रारा राष्ट्रिय म्युजिक अवार्डबाट उनैले सम्पादन गरेको उत्कृष्ट गीत ‘घुम्तीमा रेल’बाट उत्कृष्ट सम्पादनको अवार्ड हात पारेका छन।
राष्ट्रपति बिध्यादेबी भण्डारीको प्रमुख आतिथ्यतामा सम्पन्न उक्त अवार्डमा सम्पादनको भूमिकाबाट ५ मध्ये उनि उत्कृष्ट बनेर अवार्ड हात पारेका हुन्। काठमाण्डौको भृकुटीमण्डपमा रहेको राष्ट्रिय सभा गृह हलमा उनि अवार्डबाट सम्मानित भएका हुन्।हाल सम्म मिलनले झन्डै ३ हजार भन्दा बढी म्युजिक भिडियोको सम्पादन गरिसकेका छन।
दाङ जिल्लाको तुलसीपुर नगरपालिका वडा न ९ मा २०५२ सालमा जन्मिएका मिलन सानैदेखि केहि गरौ भन्ने सोच बोकेका थिए,पढाइमा पनि उनि निकै उत्कृष्ट बिधार्थीभित्र पर्ने गर्दथे।१७ बर्षकै कलिलो उमेरदेखि सम्पादनमा चासो राखेर अगाडी बढेका उनि हाल अहिले चलेका सम्पादकहरुको उत्कृष्ट लिष्ट भित्र पर्दछन। सुरु सुरुमा काठमाण्डौमा निकै संघर्ष गर्न पर्यो मिलनलाइ।हाल उनि बि स्टार फ्लिम्समा कार्यरत छन भने आफ्नै प्रोडक्सन हाउस समेत खोलेर बसेका छन।