काठमाडौं : सरकारले डेढ महिनामै सार्वजनिक यातायातको भाडा बढाएको छ । यसअघि सरकारले १७ चैतमा गाडी भाडा बढाएको थियो। पेट्रोलियम पदार्थको मूल्य वृद्धि भएसँगै सरकारले सार्वजनिक भाडा बढाएको हो।
नयाँ भाडादर भोलिबाट लागू हुने यातायात व्यवस्था विभागले जनाएको छ। नयाँ दरअनुसार यात्रुवाहक सवारीको भाडा ३ दशमलव ५ प्रतिशतले बढेको छ।
त्यस्तै, पहाडी बाटोमा सञ्चालन हुने मालवाहक सवारीको भाडा ४ दशमलव ६ प्रतिशत र तराईको बाटोमा सञ्चालन हुने मालवाहक सवारीको भाडा ५ दशमलव १ प्रतिशतले बढेको छ।