काठमाडौँ : साहित्यकार श्रीराम राईको बालकथा सङ्ग्रह ‘पोलेको मकै’ सार्वजनिक भएको छ । बुक्स हिमालयले प्रकाशित गरेको बालकथा सङ्ग्रहमा मुनाको अभियान, बलजितको जुक्ति, सुम्निमाको भ्रमण, पोलेको मकै, फूल फुलून्, चरी उडुन्, पारुको पढाइ, र बुबाको एसएमएस सहित ७ कथाहरू समावेश छन्।
बालकथा सङ्ग्रह ‘पोलेको मकै’लाई सर्जक गङ्गा कर्माचार्य पौडेलले सम्पादन गरेकी हुन् । राजकुमार प्रजापतिको चित्र रहेको बालकथा सङ्ग्रह ‘पोलेको मकैको मूल्य रु ९९ सय रुपैयाँ रहेको छ। ‘पोलेको मकै’ को बजार व्यवस्थापन हिमालय म्याप हाउस प्रालिले गरेको छ।
TVS_Golden key
पहाडी भेगका विषयवस्तुलाई रमाइलो तरिकाले पुस्तकमा प्रस्तुत गरिएको छ। बालकथा सङ्ग्रह ‘पोलेको मकै’ मा बालमनोविज्ञानलाई ध्यान दिइएको छ। कथाहरू रमाइला र शिक्षामूलक रहेको प्रकाशकको दावी छ । कथा सङ्ग्रह विद्यालय तहका सबै विद्यार्थीहरूका लागि उपयोगी हुने कथाकार राईको भनाई छ ।
राईको यसअघि ‘टोली नेता’ (बालकथा सङ्ग्रह–२०७४), आजका लघुकथा (संयुक्त लघुकथा सङ्ग्रह–२०७४) आदि कृति प्रकाशित छन् ।