समय

# गोपाल थपलिया

समयको कर्म बित्नु हो
यसलाई कतै जोडिन्छ
कतै घटाईन्छ
तर यो कसैको अधिनमा छैन
यो स्वतन्त्र छ

TVS_Golden key

समयमा नै
मान्छे जन्मन्छ
मान्छे बाँच्छ
मान्छे मर्छ
तर आफँै चाँहि
स्वतन्त्र छ समय
बाँचिरहन्छ हरदम-

समय नै हो
कसैलाई जित दिन्छ
कसैलाई हार

फेरि समय नै हो
कुनै मान्छेलाई
आफ्नो जीवन भन्दा पनि
लामो जीवन दिन्छ,
लामो जीवन पाउने पङ्तिमा
आफूलाई उभ्याउन सक्नु पो
वास्तवमा समय रहेछ-

त्यसैले
म सम्झिरहन्छु
विश्वेश्वरहरू, पुष्पलालहरू
मदन भण्डारीहरू
मनमोहन र गणेशमानहरू
र सम्झिरहन्छु
त्यो समय ।