काठमाडौँ/समाचारदाता : अन्तर्राष्ट्रिय नेपाली साहित्य समाज बोर्ड अफट्रस्टीका निवर्तमान सल्लाहकार रोहिणी शर्मालाई अनेसासले अभिनन्दन गर्ने भएको छ । सन् २००४ देखि बीओटीमा आवद्ध शर्मा, बिओटीको उपसभापति पनि रहनु भएको थियो । पेशाले खानी ईन्जिनियर भएर पनि नेपाली भाषा र साहित्यको प्रवर्द्धनमा सक्रिय शर्माले अनेसासमा धेरैपटक पुरस्कारको पनि प्रायोजन गर्नुभएको छ । नेपालको धवलागिरी अञ्चलको बाग्लुङबाट अमेरिकाको अरिजोनामा स्थानान्तरण गर्नुभएका शर्माको अमेरिकामा रहेका विभिन्न संघसंस्थामा पनि संलग्नता रहेको छ ।
मार्च ११मा बोस्टनमा हुने सम्मेलनमा शर्मालाई अभिनन्दन गरिने भएको हो ।
उक्त निर्णय अनेसासका केन्द्रीय अध्यक्ष गोवर्द्धन पूजाको अध्यक्षतामा आइतवार बसेको कार्यसमितिको बैठकले गरेको हो ।