एसईईको परीक्षाफल आज प्रकाशित गर्ने तयारी

लेटर ग्रेडिङ पद्धति कार्यविधि–२०७८ लागु गर्दा धेरै विद्यार्थीले लब्धांकपत्र नपाउने र ननग्रेडेड आउने देखेपछि राष्ट्रिय परीक्षा बोर्डको बैठकले गत सालकै कार्यविधिअनुसार परीक्षाफल प्रकाशित गर्ने निर्णय गरेको हो ।

बैठकमा पुरानै पाठ्यक्रम र कोभिडको कारण लामोे समय विद्यालय बन्द भएको र छोटो समय मात्र पठनपाठन भएको अवस्थामा २०७८ को कार्यविधि लागु गर्न अनुपयुक्त हुने तर्क आएपछि गत वर्षकै आधारमा परीक्षाफल प्रकाशित गर्ने निर्णय भएको थियो । वैशाख ९ देखि २० गतेसम्म भएको एसईई परीक्षामा ५ लाख १४ हजार ७६० विद्यार्थी सहभागी थिए ।