काठमाडौं, १३ असोज : बजाज पल्सर एभरेस्ट प्रिमियर लिग (इपिएल) टी-२० अन्मातर्गत बुधबार भैरहवा ग्लाडिएर्स र विराटनगर वारियर्सबीचको खेलमा भैरहवा ग्लाडिएर्सले विराटनगर वारियर्सलाई ६ विकेटले हराएको छ ।
टियु मैदानमा टस हारेर ब्याटिङको निम्तो पाएको विराटनगर १७.४ वलमा ८९ रन बनाउँदै अल आउट भएको थियो । ओेपनर चन्द्रपल हेमराज शुन्यमा पवेलियन फर्किए सँगै बिराटनगर दवावमा आएको थियो । आसाका केन्द्र बिन्दु मानिएका शिकन्दर राजा ५ रनमा पवेलियन फर्किएका थिए भने कप्तान करण केसी गोल्डेन डक आउट भएका थिए । दिल्सन मुनाविराले विराटनगरका लागि सर्वाधिक २५ रन बनाएका थिए । त्यस्तै सुमित महर्जन १३ , आसिफ शेख र अनिल शाहले समान ११ रन, र बसन्त रेग्मीले १० रन ( अविजित) बनाएका थिए ।
भैरहवालाई जिताउंन धम्मिका प्रसाद र आरिफ शेखले ३/३ विकेट लिएका थिए भने अविनाश बोहराले २ तथा दुर्गेश गुप्ता र कृष्ण कार्कीले १/१ विकेट लिएका थिए ।
विराटनगरले दिएको ९० रनको लक्ष्य भैरहवाले १५.३ ओभरमा ४ विकेट गुमाउँदै पूरा गरेको थियो । भैरहवाको जीतमा उपुल थरंगाले अविजीत ३४ रन , प्रदिप ऐरीले १२, ततिम इकवाल र रोहित पौडेलले १२–१२ रनको योगदान गरेका थिए। भैरहवाको लागी रामनरेश गिरीले २ तथा बसन्त रेग्मी र करणले १- १ विकेट लिएका थिए ।
यो जितसँगै भैरहवाले दुइ खेलबाट ३ अंक जोडेको छ । यसअघि भैरहवाले वर्षाका कारण खेल रद्ध भएपछि पोखरा राइनोज संग अंक बाडेको थियो । दोस्रो स्थानमा रहेको पोखराको पनि समान ३ अंकनै छ । तर भैरहवा रन रेटका आधारमा शीर्ष स्थानमा रहेको हो । विराटनगरकोलागी भने यो लगातार दोस्रो हार हो । लगातार दोस्रो हारपछि विराटनगर अंकविहीन छ ।
इपिएलमा भोली पहिलो खेल चितवन टाइगर्स र काठमान्डौ किंस – ११ तथा दोस्रो खेल भैरहवा र ललितपुर पेट्रियटर्स बीच हुनेछ ।