Greetings Dashain

अर्घाखाँची सिमेन्ट अब ४३ ग्रेडमा, अर्को वर्षभित्र आइपिओमा खुल्ने


काठमाडौँ, १७ भाद्र अर्घाखाँची सिमेन्ट लिमिटेडद्वारा उत्पादन भइरहेको अर्घाखाँची ओपिसी सिमेन्टले ४३ ग्रेड सिमेन्टको इजाजत प्राप्त गरेको छ । नेपाल गुणस्तर तथा नापतौल विभागले एनएचएस–५७२ प्रमाणी करण गरी कम्पनीलाई आज ४३ ग्रेडको प्रमाणपत्र हस्तान्तरण गरेको हो ।

आफ्नो उत्पादनको गुणस्तर नेपाल सरकारद्वारा औपचारिक रुपमा नै प्रमाणित भएको भन्दै कम्पनीले गुणस्तरीय सिमेन्टको उत्पादन र बिक्री वितरणलाई सँधै प्राथमिकतामा राख्ने जनाएको छ ।

“हाल सम्म ३३ ग्रेड सो सरहको मान्यता पाइरहेको हाम्रो उत्पादनलाई ४३ ग्रेडको प्रमाणीकरणले आम उपभोक्तालाई अर्घाखाँचीका उत्पादनहरुको प्रयोग गर्न थप निश्चिन्त बनाउने छ,” कम्पनीका महाप्रबन्धक उद्धब कार्कीले बताए ।

गुणस्तर तथा नापतौल विभागले सिमेन्टमा उच्च गुणस्तरको सुनिश्चितता गर्ने उद्देश्यले यस वर्षदेखि एनएचएस–५७२ को अवधारणासहित ग्रेडिङ प्रणालीलाई अघि सारेको हो ।

क्लिंकर, ओपिसी र पिपिसी सिमेन्टको उत्पादन गरिरहेको अर्घाखाँची सिमेन्ट नेपालकै सबैभन्दा ठूलो र उत्कृष्ट कम्पनी मध्येको एक हो ।
गत आर्थिक वर्ष पब्लिक लिमिटेडमा परिणत भएसँगै यस कम्पनीले आइपीओमा जाने तयारी सुरु गरिसकेको छ ।

२०७५ सालदेखि आफ्नो कुल उत्पादन क्षमतालाई बढाएर प्रतिवर्ष १० लाख टन पु¥याएको यस कम्पनीले लगभग पूर्ण उत्पादन क्षमतामा संचालित रहीतीब्र प्रतिस्पर्धा र लकडाउनका बाबजुत पनि आर्थिक वर्ष २०७७–७८ मा १८ प्रतिशतले बिक्री बढाउन सफल भएको छ ।
“सर्वसाधारणका लागि शेयर खुलाउने विषयमा तयारी अगाडि बढाइ रहेका छांै,” कम्पनीका प्रमुख बित्त अधिकृत राजु पौडेलले बताए, “अहिले ठ्याक्कै मिति तोक्न नसकेता पनि अर्को आर्थिक वर्षभित्र सर्वसाधारणलाई शेयर जारी गरिसक्ने हिसाबले काम अगाडि बढाइरहेका छांै ।”

सम्बन्धित खवर
टिप्पणिहरु
Loading...