काठमाडौं / पेट्रोलियम पदार्थको मूल्य बृद्धि भएको छ । नेपाल आयल निगमले पेट्रोल, डिजल, मट्टितेल र हवाइ इन्धनको मूल्य प्रतिलिटर दुई रुपैयाँका दरले बढाएको छ ।
शनिबार राति १२ बजेबाट लागु हुने गरी निगमले मूल्य बृद्धि गरेको हो । मूल्य बृद्धिसँगै पेट्रोलको मूल्य प्रतिलिटर १२५, डिजेल र मट्टितेल मूल्य प्रतिलिटर १०८ र हवाइ इन्धन (आन्तरिक उडानतर्फ)को मूल्य प्रतिलिटर ८० रुपैयाँ कायम भएको छ ।
यस अगाडि निगमले जेठ पहिलो साता पनि पेट्रोलियम पदार्थको मूल्य बृद्धि गरेकोे थियो ।