केशब आचार्य ,
काठमाडौं, १५ असोज : बजाज पल्सर एभरेस्ट प्रिमियर लिग (इपिएल) टी-२० अन्मातर्गत शुक्रबार भएको दोस्रो खेलमा चितवनले पोखरालाई नौं विकेटले हराएको छ । यो जितसँगै चितवन लिगको शिर्ष स्थानमा उक्लिएको छ । टस जितेर पहिला ब्याटिङ गरेको पोखराले निर्धारित ओभरमा ७ विकेट गुमाउँदै १२३ रन बनाएको थियो ।
पोखराका लागि विवेक यादवले तिन चौका र तिन छक्काको हान्दै सर्वाधिक ५३ (अविजित ) रनको हानेका थिए । त्यस्तै रिचार्ड लेव्ल २० , रित गौतम २ , कप्तान विनोद भण्डारी ५ , लोकेश बम ८ , असल गुनारतिने २५ र केसृच्क विल्लिअम्स २ ( अविजित ) रनको योगदान गरेका थिए । सुनिल धमला र बिक्रम सोब सून्य मै पभेलियन फर्किएका थिए ।
इशान पाण्डे सून्यमै पभेलियन फर्किदा चितवनले मात्र २ रन हुँदा पहिलो विकेट गुमाएको थियो । तर दोस्रो विकेटका लागि मोहम्मद शहजाद र भिम शार्कीले उत्कृष्ट साझेदारी गर्दै टिमलाई जिताएका थिए । शहजादले ७ चौका र २ छक्काको मद्दतले सर्वाधिक ५२ रन बनाएका थिए भने भीम शार्कीले ५ चौका र १ छक्काको मद्दतले ५४ रन बनाएका थिए ।
पोखराको लागी बिक्रम सोबले १ विकेट लिएका थिए ।
चितवनको लागी कमल सिंह ऐरी र शाहब अलामले समान २ – २ विकेट लिएका थिए भने सोमपाल कामीले १ विकेट लिएका थिए ।