![]()
- हेम बास्तोला ‘भावुक’
आफ्नै भाग्य कति छ माथ शिरमा खोजेर भेटिन्छ र ?
आआफ्नै ममता छ यो मनभरी मेटेर मेटिन्छ र ?
खाली हात उठाई माग्न ममता मागेर पाईन्छ र ?
लाग्दा दाग नुहाई दर्द मनको धोएर धोईन्छ र ?
आफ्नै मंगल गाउँदै दिनदिनै ध्यानमै पुगौँला कहाँ ?
अर्काको मन पग्लिएर ममता बाँड्नै सकौँला कहाँ ?
आत्माभित्र लुकाई जंजिर छडी भाँचेर भाँचिन्छ र ?
कालो देह पखाल्न निर्मल घडा भरेर भरिन्छ र ?
TVS_Golden key
आत्माभित्र रमेर दिल ऋदयै खुल्ला गरे हुन्छ नि
प्यासै प्यास पिएर निर्मल नदी कोसी भए हुन्छ नि
कालिकोट निधाउँदा बिरहले त्यो काठमाडौँ उठोस
यो खोटाङ सधैँसधैँ विजय भै यो राष्टभक्त बनोस
लक्ष्यै लक्ष्य लिएर उच्चगिरिको ती पाईला चाल्नुछ
प्रेमैप्रेम सुधा दिएर दिलले डुङ्गाभई तार्नुछ
साँचो प्रेम फुलोस् विश्वभरमै थुङ्गा बनी फूलका
कोसी सात मिलीजुली बगिरहुन यो राष्ट नेपालका
– खोटाङ