न्यूयोर्क । अमेरिकाको न्यूयोर्कमा कंग्रेसका लागि उम्मेदवारी दिएका माइक इटकिसले आफ्नो चुनावी अभियानको मुद्दा स्थापित गर्न १३ मिनेट लामो निजी यौन भिडियो सार्वजनिक गरेका छन्।
TVS_Golden key
५३ वर्षीय इटकिसले यौन कार्यलाई कानुनी मान्यता दिने आफ्नो अभियानलाई चर्चामा ल्याउन भिडियो सार्वजनिक गरेको बताएका छन्। साइबर सुरक्षा र युक्रेन युद्धको अन्त्य पनि उनका प्रमुख चुनावी एजेन्डा हुन्।
इटकिसले यौन अधिकार, व्यक्तिगत गोपनीयता र सहमतिमा आधारित यौन सम्बन्धसम्बन्धी स्वतन्त्रताको पक्षमा आफू रहेको बताएका छन्। उनको यो कदमले अमेरिकी राजनीतिमा नयाँ बहस सिर्जना गरेको छ भने सामाजिक सञ्जालमा मिश्रित प्रतिक्रिया आएको छ।