Organ Donation

Organ Donation

Election Commssion Nepal

जन्मदिनको अवसरमा अस्पताल निर्माणका लागि सहयोग

बागलुङ नगरपालिका–१३ पैयूँपाटाका भविश्वर शर्माले आफ्नो जन्मदिनको अवसरमा बागलुङ नगर अस्पताल निर्माणका लागि रु एक लाख ११ हजार १११ सहयोग गर्नुभएको छ ।

पैयूँपाटामा नगर अस्पताल निर्माणको लागि सरकारले आफ्नो गाउँलाई छनोट गरेको भए पनि जग्गा अभावपछि आफ्नो जन्मदिनको अवसर पारेर भवन निर्माणका लागि थोरै भए पनि सहयोग पु¥याउने उद्देश्यले आर्थिक सहयोग गरेको शर्माले बताउनुभयो ।

अस्पतालको भवन निर्माण समितिका सदस्यसमेत रहनुभएका शर्माले अस्पताल निर्माणको लागि छनोट गरिएको स्थानमा आफ्नो जमिन नभएका कारण नगद सहयोग गरेको बताउनुभयो । “गाउँमा अस्पताल बन्दा सबैलाई सहज हुन्छ”, उहाँले भन्नुभयो, “अझ धेरै यहाँका ज्येष्ठ नागरिक, महिला, बालबालिका र अपाङ्गता भएका व्यक्तिलाई सहज हुन्छ । त्यसैले राम्रो काममा सबैले सहयोग गर्नुपर्छ ।” नगर अस्पताल निर्माणका लागि नौ रोपनी जग्गा खरिद गरेर डिपिआरसमेत तयार गरिसकेको बागलुङ नगरपालिका–१३ का वडाध्यक्ष नारायण पौडेलले जानकारी दिनुभयो । “खरिद गरिएकोमध्ये सात रोपनी जग्गाको मात्र पैसा तिरेका छौँ”, उहाँले भन्नुभयो, “अझै दुई रोपनीको पैसा तिर्न बाँकी छ, त्यसैले सबैको सहयोगको अपेक्षा गरेका छौँ ।”

सम्बन्धित खवर
टिप्पणिहरु
Loading...