अज्ञात भविष्यलाई सहज बनाउन जीवन बीमा अनिवार्य 

भविष्यमा आउने जोखिमलाई न्यूनीकरण गर्नका लागि पैसाको आवश्यकता पर्दछ । अज्ञात भविष्यले सधैं सुखानुभूती मात्र लिएर आउँदैन । कष्टकर समय पनि संगै ल्याएको हुन्छ । सधैं बल र तागत शरीरमा रहँदैन । आय आर्जनको श्रोत बलियो हुँदै गएको अवस्थामा थोरै भएपनि खर्च कटौती गरेर बचत गरियो भने अज्ञात भविष्यमा आउने आपत विपदलाई केही हदसम्म न्यूनिकरण गर्न सकिन्छ । भविष्यमा आउने जोखिमलाई बहन गर्न ल्याएको रणनीतिलाई बीमा भनिन्छ । सोही बीमा क्षेत्रमा विगत एक दशकदेखि लाईफ इन्स्योरेन्स कर्पोरेशन (नेपाल) लिमिटेडमा कार्यरत तथा २०२६ को जनवरीमा महिनामा विराटनगर शाखाबाट सर्वोत्कृष्ठ अभिकर्ताको पगरी गुथ्न सफल परिचित व्यक्तित्व राकेशकुमार यादवसँग नेपालीमाला अनलाईन खबरका वरिष्ठ संवाददाता दीपक निरौलाले गरेको कुराकानीको सार :-

तपाईंसँग भएको कमाईलाई आजै खर्च गरेर बचत गर्नु भएन भने तपाईको सोच ‘स्टुपिड’ अर्थात उल्लुपन हुनेछ । वर्तमानमा कमाएको पैसाले पार्टी खाने, फेसनदार लुगा किन्ने, घुम्न जाने,  महंगा उपहार दिनुको सट्टा सरल जीवनशैली अपनाएको खण्डमा भोली आउने जोखिमलाई टार्न सकिन्छ । आज २० रुपैया मुठामा पाउने साग १५ वर्ष पछि ५० रुपैया पर्छ । त्यो बेला तपाईको आम्दानीको श्रोत  खुम्चिएको हुन्छ । परिश्रम गर्न असमर्थ भइन्छ । पैसाको क्रयशक्ति (ह्रासोन्मूख) घट्दो क्रममा हुन्छ भने चिजवस्तु बढ्दोक्रममा हुन्छ । यो सबै अज्ञात भविष्यको कल्पना हो । यो अज्ञात भविष्यलाई सहज बनाउन जीवन बीमा अनिवार्य गरौं है भनेको हो । आजको समयका मान्छे हामी  पशुपंक्षी जस्ता भएका छौं । भनाईको मतलव सानो छदाँ बाउआमाले पालन पोषण गर्ने ठूलो भएपछि आफैं कमाउने आफैंमात्र खाने परिपाटी मौलाएर गएको छ । नियमित आयश्रोत नभएको व्यक्तिका लागि यो त पेन्सन रकम नै हो नि । अनि वुढेसकालको साहारा बन्ने कुरामा हामी पछि पर्नै भएन नि ।

जवानी बेचेर जागिरमा छिरेको व्यक्ति सबै पेन्सनधारी हुँदैनन् । लामो समय काम गरेता पनि ‘नो वर्क ,नो पे’ अर्थात् काम नगरे तनखा हुँदैनको अवस्थामा हामी धेरै जना रहेका हुन्छौ । जागिरबाट बुढेसकाल बोकेर घर फर्कदा अलिकती भएपनि थैलीमा बचत गरेरको रकम बढोत्तरी भएर आउँदा चह¥याएको घाउमा मल्हम दल्दाको मज्जा नै अर्कै हुन्छ । यदि तपाईंले बीमा गर्नु भयो भने विभिन्न जोखिमलाई बहन गर्ने विभिन्न किसिमका  जिम्मेवारी लिएर बीमा कम्पनीहरू आएका छन् । अर्को कुरा बीमा भनेको जोखिम बहन गर्ने र बचत गर्ने सजिलो माध्यम पनि त हो ।

हामी सबै नेपाल देशको नियम कानून पालन गर्छौ । भने कुनै पनि संस्थामा छिर्दा कसम खाएर छिरेका हुन्छौं । त्यसलाई चलनचल्तीको भाषामा सफत ग्रहण भनिन्छ ।अर्को कुरा करोडौैको कारोवार हुने संस्थामा नियमनकारी निकायले विना निगरानी, बिना लगाम त्यतिकै आर्थिक गतिविधिमा पौडिखेल्न ,छचल्किन देला ? आजको जस्तो एआईको युगमा । नियम कानून र शर्तहरू बुझेर बीमा गर्नुपर्छ । सबैका आ–आफ्ना सीमा र परिधी हुन्छन् ।

कुनै पनि क्षेत्रमा संभावनाको ढोका खुल्यो भने मान्छे त्यतै लाग्नु स्वभाविक हो । यदि जीवन बीमाको भविष्य सुन्दर नभएको भए किन सबै मानिस त्यता दगुर्थे त ? बीचैमा बाटो परिवर्तन गरेर अन्तै जान्थे होलान नि त । अर्को कुरा वैदेशिक रोजगारीले ग्रामिण भेग पनि अर्थिक गतिविधिमा चलायमान हुन थालेका छन् । रेमिट्यान्सका साथै नयाँ-नयाँ प्रविधि र सीपको पनि प्रयोग हुन थालेको छ । ५ वर्ष पहिले तपाई जानु भएको ठाउँ अहिले अर्कै भईसकेको छ । त्यहाँको घरको बनावट, सजावट,  खानाको संस्कार, मनोरञ्जनको माध्यम, खेलको रुची, बीमाप्रतिको रुची, प्रकृतिसँगको निकटतामा आकाश पातालको फरक भैसकेको छ ।  शहरको चर्को कोलाहल र दौडाहाबाट आजित भएका धेरै शहरीयाहरुको  ‘भ्याकेसन डे’ छुट्टी मनाउन ग्रामिण भेग पहिलो रोजाईमा पर्न थालेको छ । नेपालको धेरै क्षेत्र पर्यटन खेतीमा रूपान्तरण  हुँदै गएको छ । जसको फाइदाको हिस्सेदार अहिले ग्रामिण जनजीवन हुन थालेको छ । कमाएपछि खर्च गर्न सबैलाई मन लाग्नु स्वभाविक नै हो ।  विलासितामा खर्च गरिने रकमलाई अलिकती  भएपनि बचत गर्न पाए अभिकर्ता र बीमित दुवैलाई फाइदा हुन्छ भनेर केही जनशक्ति यतापट्टि आकर्षित भएको कुरा सत्य हो । बीमा गर्ने अभिकर्ताहरु बजारमा हजार छन् । तर निरन्तरता दिने व्यक्तिको कमी छ । म यो क्षेत्रमा लगातार दश वर्षदेखि सेवा दिदैं आएको व्यक्ति हुँ । मैले धेरै जना व्यक्तिहरुको बीमा गराएको अनुभव म सँग छ । जसमा साना नानीहरूको बाल बचत,  सर्वसाधारण देखि उच्च घरनाका व्यापारी, व्यवशायीसमेतको रोजाईमा पर्न म सफल भएको छु । यो मेरो निरन्तरताको फल हो ।

यदि मलाई सम्झन चाहनुहुन्छ भने मेरो वेवसाईट:-www.rakeshyadavinsuranceagent.com

मा भिजिट गर्न सक्नुहुनेछ ।