काठमाडौँ : ग्लोबल टेक्नोलोजी लिडर शाओमीले नेपालमा रेडमी १० ए को मुल्य कम गरेको छ । आफ्ना उपभोक्ताहरुलाई सुपथ मुल्यमा गुणस्तरीय फोनको अनुभव प्रदान गर्ने उद्धेश्यले रेडमी १० ए मा विन्टर अफर स्वरुप मुल्य घटाएको शाओमीले जनाएको छ ।
रेड्मी १०ए को ठूलो 6.53″ HD+ डिस्प्लेले भिडियो तथा तपाईंलाई मनपर्ने कन्टेन्ट हेर्नको लागि राम्रो अनुभव प्रदान गर्दछ । अन्य ईन्ट्री–लेभल स्मार्टफोनको तुलनामा यसमा भएको 3D–कर्भड ब्याकले प्रयोगकर्ताहरूलाई सहज अनुभव प्रदान गर्दछ । साथै यसमा पछाडि रहेको फिंगरप्रिन्ट सेन्सरले यसलाई पहिलेभन्दा अझ सुरक्षित बनाउँछ ।
यसमा रहेको 13MP मेन क्यामेरा र 2MP देप्थ क्यामेरा सेन्सरले प्रयोगकर्ताहरुलाई सोचे जस्तै फोटो खिच्न र यादगार पलहरु सहज रूपमा रेकर्ड गर्न मद्दत गर्दछ ।
रेड्मी १०ए मा पावर अपको लागि MediaTek Helio G25 प्रोसेसर जडित छ जुन 2.0GHz सम्मको क्षमता रहेको अक्टा–कोर CPU हो । यसमा लामो समयसम्म चल्ने 5,000mAh ब्याट्री जडित छ जसले तपाईंलाई पूरा दिन सक्रिय रहन मद्दत गर्दछ । यो स्मार्टफोन ज्ञण्ध्को चार्जिङ अडाप्टरको साथ उपलब्ध छ ।
रेडमी १० ए ग्रेफाइट ग्रे, क्रोम सिल्भर र स्काइ ब्लु रङमा उपलब्ध छ । शाओमीले ३ जिबि/६४ जिबि भेरीयन्ट र ४/१२८ जिबि भेरीयन्टमा रु ७०० कम गरेको छ । बजारमा शाओमीका बजेट फ्रेन्ड्ली फोनको रुपमा रु १५,९९९ र रु १७,९९९ उपलब्ध रेडमी १० ए विन्टर अफरमा ३ जिबि/६४ जिबिको मुल्य रु १५,२९९ र ४/१२८ जिबिको मुल्य रु १७,२९९ उपलब्धमा छन् । यो अफर कार्तिक ३० देखि मंसिर २९ गते सम्म लागु हुनेछ ।