काठमाडौं : शिवपुरी राष्ट्रिय निकुञ्जमा डढेलो लागेको छ । स्राेतका अनुसार डढेलो नियन्त्रणका लागि हेलिकप्टरबाट समेत पानी हानिएको छ ।
बुढानिलकण्ठबाट पूर्वतिर तारेभिरको जंगलमा दिउँसो २ बजेदेखि आगलागी भएको भन्दै प्रहरी कहाँ खबर पुगेपछि नेपाली सेना, वनको टोली परिचालन गरेर नियन्त्रणमा लिने प्रयास गरिएको थियो ।
प्रहरीका अनुसार अहिलेसम्म पनि आगो नियन्त्रणमा नआएपछि फायर लाइन बनाएर आगोलाई थप फैलिन नदिने प्रयास भइरहेको छ ।