काठमाडौँ : वैदेशिक रोजगारीको शिलशिलामा प्रवासमा बस्दा भोग्ने यावत समस्यालाई समेटेर तयार पारिएको लघु फिल्म ‘आधा सपना’ सार्वजनिक गरिएको छ ।
मकाउमा छायांकन गरिएको लघु चलचित्र ‘आधा सपना’ मा परदेशी जीवनको बास्तबिक भोगाई अनि यथार्थ पीडालाई भिडियोमा देखाउन खोजेको निर्माता तथा निर्देशक तुला पर्वतले बताए ।
विदेशमा बस्दा, काम गरुन्जेली नै आफ्नो तन, मन सबै नेपालमा नै हुने , आफ्नो र विदेशमा बस्ने नेपाली दाजुभाईको भोगाईलाई जस्ताको त्यस्तै लघु चलचित्र ‘आधा सपना’ मार्फत देखाउन खोजेको निर्देशक तुला बताउँछन् ।
मकाउँका विभिन्न रमणीय स्थानहरुमा छायांकन गरिएको लघु चलचित्रमा सुरज अधिकारी , अमृत भण्डारी , सुस्मिता भण्डारी , सन्दीप लामिछाने र सिता पौडेलको अभिनय देख्न सकिन्छ । वाइडस्क्रिन मिडिया मार्फत बजारमा ल्याइएको ‘आधा सपना’ मा निर्देशक तुलाकै छायांकन, सम्पदन, र संगीत रहेको छ ।