Organ Donation

Organ Donation

अर्थमन्त्री पौडेलद्वारा पर्यटन क्षेत्रलाई चलायमान बनाउन सरकारले सहयोग गर्ने प्रतिबद्धता

काठमाडौं, ६ माघ ः कोरोना भाईरस (कोभिड १९) का कारण अतिप्रभावितभएको क्षेत्र पर्यटनलाई चलायमान बनाउन सरकारले आवश्यक सहयोग गर्ने कुरा अर्थमन्त्री विष्णुप्रसाद पौडेलले बताउनु भएको छ । पर्यटन र होटल व्यवसायका प्रतिनिधिहरु सहित अर्थ मन्त्रालयमा आयोजित छलफल कार्यक्रममा अर्थमन्त्री पौडेलले सरकारले राहत, सहुलियत र प्रोत्साहनका कार्यक्रमहरु ल्याएको उल्लेख गर्दै प्रभावकारी कार्यान्वनयमा जोड दिने कुरा बताएउनु भएको छ।

बजेट, मौद्रिक नीति लगायतमा उल्लेखित कार्यक्रमहरुको कार्यान्वयन प्रक्रियामा देखिएका समस्या साधानका लागि अग्रसरता लिएर अघि बढ्ने भन्दै अर्थमन्त्री पौडेलले परिस्थितिलाई ध्यान दिई अघि बढन् र कठिनाइ परे सहजीकरण र सहयोग गर्ने बताउनु भयो । कोभिड १९ को भ्याक्सिन आइसकेपछि स्थिति सहज हुने विश्वास दिलाउँदै अर्थमन्त्री पौडेलले भन्नुभयो, पर्यटन र होटल क्षेत्रमा परेको अप्ठायाराप्रति संवेदनशिल छौं ।

तपाईंहरु अघि बढ्नुहोस्, सरकार साथमा छ भन्दै उहाँले पर्यटन व्यवसायको क्षेत्रमा विद्युत डिमाण्ड शुल्क छुटका लागि भएको मागका सम्बन्धमा थप छलफल गर्ने पनि बताउनु भयो । संस्कृति पर्यटन तथा नागरिक उउड्यान मन्त्री भानुभक्त ढकालले पर्यटन क्षेत्रमा देखा परेका समस्या समाधानका लागि मन्त्रालयले सम्बन्धित क्षेत्रसँग छलफल गरेको जानकारी दिँदै कोभिड १९ ले गर्दा सरकारलाई परेको अप्ठारोलाई पनि निजी क्षेत्रले बुझिदिन आग्रह गर्नुभयो ।

अर्थ सचिव शिशिरकुमार ढुङ्गानाले नीतिहरुमा समस्या नभएको स्पष्ट पार्दै कार्यान्वनयका लागि थप पहल गर्ने कुरा पनि बताउनु भयो । पर्यटन तथा होटल व्यवसायीहरुले व्यावसायिक निरन्तरता कर्जा प्रवाह कार्यविधिमा शोधभर्ना रकमको अवधि बढिमा दुई वर्षको हुने उल्लेख भएकोमा तीन वर्ष गर्न, चुक्ता गर्ने अवधि अधिकतम ४ वर्ष उल्लेख भएकोमा ५ वर्षको व्यवस्था गर्न, विद्युत डिमान्ड शुल्क छुटको व्यवस्था गरिदिन, व्यवसायमा विद्यमान कुनै ऋणका लागि व्यवस्था भैसकेको धितोको भ्यालुमा नै शत प्रतिशत सम्म हुने गरि ऋण प्रवाह गर्न व्यवस्था मिलाउन आग्रह गरेका थिए ।

पुनर्कर्जामा प्रति ग्राहक कर्जा सीमा २० करोड रुपैयाँ रहेकोमा सो रकम भन्दामाथिको आवश्यकता देखिएमा सीमालाई बाध्यकारी नबनाउने व्यवस्था मिलाउने लगायतका माग गरेका थिए । उनीहरुले पुनर्कर्जा र व्यावसायिक निरन्तरता कर्जा प्रवाहमा समस्या रहेको बताएका थिए । बैठकमा नेपाल पर्यटन बोर्ड, ट्रेकिङ एजेन्सी एसोसियसन अफ नेपाल, होटल एसोसियसन अफ नेपाल, रेष्टुरेन्ट एसोसियसन लगायतका प्रतिनिधिहरुको सहभागिता रहेको थियो ।

सम्बन्धित खवर
टिप्पणिहरु
Loading...